Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 8 No 4 Julie 2004
DIE AFRIKAANSE PROTESTANTSE AKADEMIE
(Vereniging ingelyf onder Artikel 21)
- PROF FAH VAN STADEN - REKTOR AP AKADEMIE -
OFFISIëLE BEKENDSTELLING
Die Teologiese Skool van die Afrikaanse Protestantse Kerk (1987 - 1999) is op 1 Januarie 2000 kragtens die Onderwyswet nr 101/1997 voorlopig geregistreer as Die Afrikaanse Protestantse Akademie met die reg om die grade BA (tale en geesteswetenskappe) en B Th toe te ken - Privaat Tersiêre Instituut.
Na vier en 'n half jaar van volharding, waarin voldoen moes word aan vele wets- en regulasievereistes, wat steeds vermenigvuldig het en plaaslike inspeksie, sonder prysgawe van die beginsels van "Christelik" en "Afrikaans as voertaal", is die Akademie op 26 Mei ('n historiese dag) 2004 amptelik geregistreer as "Die Afrikaanse Protestantse Akademie - (Vereniging ingelyf onder artikel 21)". Die Akademie is dus geregistreer as 'n volwaardige "Privaat Tersiêre Instituut". Dit is vir die Raad en Senaat 'n groot geleentheid van dankbaarheid teenoor die Here, wat steeds voorsien het.
Die Akademie ken tans die grade BA en B Th toe onder die Fakulteit Lettere en Wysbegeerte - dekaan prof R Marè en Teologie - dekaan prof H Theron. Op aandrang vanuit voksgeledere word die volgende beplan vir evaluasie en registrasie: Teologie - sesjarige kusrsus B Th, B Th (Hon), M Th, B Ed en Onderwysdiploma (die aandrang om onderwysopleiding is groot), BA (SW) (meer maatskaplike werkers is 'n behoefte), met ook reeds navraag oor grade in die Regte.
Die Akademie het reeds 'n satelietkampus in Lambton, Germiston, bekend as die Instituut vir Christelike Psigologie onder dekaanskap van dr NJ Joubert, wat onder registrasie is.
Alhoewel die bedryf van die Akademie baie hoë finansiële eise stel, word die jaarlikse klasfooie vir die graad BA tans op R 7 000-00 en vir die graad B Th op R 5 000-00 per jaar gehandhaaf ten einde studente te kan akkomodeer. Die Akademie word deur die sinode van die Afrikaanse Protestantse Kerk gesubsidieer. Dit ontvang geen subsidie van die Onderwysdepartement nie.Daarom is die behoefte aan skenkings uit volksgeledere groot!
Die Akademie funksioneer onder die leuse: "Woord, Waarheid, Lig" - Soli Deo Gloria.
Adres: Farendenstraat 430, Sunnyside, Pretoria - Posbus 11488, Hatfield 0028