|
Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 9 No 4 Julie 2005
KERKLIKE JOERNAAL
OPENLIKE VERKLARING *
DIE GEREFORMEERDE PROTESTANTSE KERK BRAKPAN (19 Junie 2005)
> Voorganger: Ds Hendrik Hefer <
Ons, die belydende lidmate van die Gereformeerde Protestantse Kerk Brakpan bely dat ons:
Met ons hele hart glo dat die Heilige Skrif, volledig en alleen, die geopenbaarde, geďnspireerde en daarom betroubare en gesagvolle Woord van God is.
Oortuig is dat die Gereformeerde Belydenis, soos uitgedruk in die Gereformeerde Belydenisskrifte, die Evangelie van Jesus Christus – soos in die Bybel geopenbaar – suiwer bely en verkondig.
Oortuig is dat, alhoewel daar nog sommige (baie?) gelowiges en gemeentes is wat streef om Bybelgetrou en Belydenisgebonde te leef en te werk, daar in die teologie, in die besluite van kerklike vergaderings en in die inrigting van die gemeentelike lewe so ver van die Gerefor-meerde Belydenis afgewyk word, dat die Ned Geref Kerkverband nie meer Gereformeerd is nie.
Ons verklaar dat ons uit die Ned Geref Kerkverband getree het omdat ons oortuig is dat:
Daar nie meer vir ons ruimte was om Bybelgetrou en Belydenisgebonde te leef en te werk en so die gelofte wat ons tydens Belydenisaflegging afgelę het, gestand te doen nie
Deel wees van die Ned Geref Kerkverband vir ons en ons kinders meer afbrekend as opbouend geword het
Ons dit nie langer moreel-eties kon regverdig om deel te wees van ‘n Kerkverband wat stelselmatig al hoe verder van die Skrif afwyk nie.
Bewus van ons eie onvolmaaktheid en ons afhanklikheid van die Here verklaar ons verder dat dit ons begeerte is om, as gereformeerde gemeente van Christus, ons Vader in die hemel te verheerlik deur alles wat ons is, besit en doen. Daarom sal ons daarna strewe om:
In leer en lewe aan Sy Woord getrou te bly,
Hom getrou en met oorgawe in Sy kerk te dien en
Ons roeping in die węreld te vervul.
Mag God, in Sy ondeurgrondelike genade, ons daartoe help.