Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 6  No 2 Maart 2002

OPVOEDING EN ONDERWYS

KURRIKULUM 2005

Aanslag teen Bybels-Christelike waardes

-  BELANGRIKE KENNISGEWING VAN DIE AFRIKANER KULTUURBOND (AKB)  -

Die Afrikaner Kultuurbond hou op 27 April met die medewerking van organisasies soos die VCHO en onderwyskundiges 'n volkskongres oor onderwys  Die doel van dié kongres is tweërlei:

Eerstens om die werklikhede van Kurrikulum 2005 in geen onduidelike terme nie te ontbloot vir wat dit is - naamlik 'n totale ideologiese aanslag op die siel van ons kerk en volk se jeug ten einde die Christelike geloof, Bybelse norme en waardes sowel as volksidentiteit tot as irrelevant en selfs onaanvaarbaar in die getransformeerde Suid-Afrikaanse samelewing te reduseer. Dit gaan hier nie bloot daarom of godsdiensoefening of selfs onderrig nog toegelaat sal word al dan nie, maar om die uitkoms van vakonderrig en die afdwing van vreemde, soms goedklinkende maar beslis nie Christelike waardes nie.

Tweedens om gelowige volksgenote op te roep om te besin oor die doopbelofte wat hulle afgelê het en in die lig daarvan tot verootmoediging te kom en dan 'n gelowige verset teen die aanslag op ons kinders se Christelike geloof.

'n Hele aantal kort, bondige feite en pamflette sal die dag vrygestel word oor die onderwerpe wat toegelig sal word. Dit sluit sake in soos: Die Manifesto van die minister, Uitkomsgebaseerde onderwys, Ubuntu, die nuwe Kurrikulum 2005 se subtiele en blatante verwerping van Christelike waardes in leerareas soos Kuns en Kultuur, Omgewingsleer, Wiskunde en die wetenskap, Mens en Sosiale wetenskap (uiteindelike doel : sosiale omvorming) asook vergelyking van standaarde 2005 teenoor 1995 (beduidende verlaging van standaard), hoe gaan die owerheid hierdie waardes afdwing, en dan uiteraard ook onderwerpe soos: wat vra die Here van ons as ouers, Christelike vakonderwys, die verbondsouer, en God se skepping.

Die Volkskongres vind plaas in die Piet van der Waltsaal, Pretoriase Skougronde, op Saterdag 27 April 2002. Dit begin om 09:00 en sluit om 17:00. Navrae kan gerig word aan die AKB se kantoor (dagure) (012) 543 2257.

 

DIE GODSDIENSKURRIKULUM MAG NIE

Onder die bogenoemde opskrif skryf 37 lidmate van die NG Gemeente Clarens die volgende:

Hiermee maak ons ten sterkste beswaar teen die beoogde instelling van multi-religieuse onderwys in Suid-Afrikaanse skole.

Godsdiensonderrig is deel van Kurrikulum 2005 en wil leerlinge blootstel aan verskillende godsdienste.

Die Grondwet van Suid-Afrika waarborg godsdiensvryheid Daarom het Christene vanuit hulle godsdienstige oortuiging die reg om op 'n Christelike grondslag onderrig te word. Kinders se godsdienstige oortuigings moet nog gevorm word en dwaalleringe sal hulle verwar.

Ouers moet dus die keuse hê om hulle kinders te laat opvoed in die godsdiens van hulle keuse.

Christene vra dat hulle kinders in die Bybel en die Christelike leer onderrig sal word.

Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 6  No 2 Maart 2002

OPVOEDING EN ONDERWYS

KURRIKULUM 2005

Aanslag teen Bybels-Christelike waardes

-  BELANGRIKE KENNISGEWING VAN DIE AFRIKANER KULTUURBOND (AKB)  -

Die Afrikaner Kultuurbond hou op 27 April met die medewerking van organisasies soos die VCHO en onderwyskundiges 'n volkskongres oor onderwys  Die doel van dié kongres is tweërlei:

Eerstens om die werklikhede van Kurrikulum 2005 in geen onduidelike terme nie te ontbloot vir wat dit is - naamlik 'n totale ideologiese aanslag op die siel van ons kerk en volk se jeug ten einde die Christelike geloof, Bybelse norme en waardes sowel as volksidentiteit tot as irrelevant en selfs onaanvaarbaar in die getransformeerde Suid-Afrikaanse samelewing te reduseer. Dit gaan hier nie bloot daarom of godsdiensoefening of selfs onderrig nog toegelaat sal word al dan nie, maar om die uitkoms van vakonderrig en die afdwing van vreemde, soms goedklinkende maar beslis nie Christelike waardes nie.

Tweedens om gelowige volksgenote op te roep om te besin oor die doopbelofte wat hulle afgelê het en in die lig daarvan tot verootmoediging te kom en dan 'n gelowige verset teen die aanslag op ons kinders se Christelike geloof.

'n Hele aantal kort, bondige feite en pamflette sal die dag vrygestel word oor die onderwerpe wat toegelig sal word. Dit sluit sake in soos: Die Manifesto van die minister, Uitkomsgebaseerde onderwys, Ubuntu, die nuwe Kurrikulum 2005 se subtiele en blatante verwerping van Christelike waardes in leerareas soos Kuns en Kultuur, Omgewingsleer, Wiskunde en die wetenskap, Mens en Sosiale wetenskap (uiteindelike doel : sosiale omvorming) asook vergelyking van standaarde 2005 teenoor 1995 (beduidende verlaging van standaard), hoe gaan die owerheid hierdie waardes afdwing, en dan uiteraard ook onderwerpe soos: wat vra die Here van ons as ouers, Christelike vakonderwys, die verbondsouer, en God se skepping.

Die Volkskongres vind plaas in die Piet van der Waltsaal, Pretoriase Skougronde, op Saterdag 27 April 2002. Dit begin om 09:00 en sluit om 17:00. Navrae kan gerig word aan die AKB se kantoor (dagure) (012) 543 2257.

 

DIE GODSDIENSKURRIKULUM MAG NIE

Onder die bogenoemde opskrif skryf 37 lidmate van die NG Gemeente Clarens die volgende:

Hiermee maak ons ten sterkste beswaar teen die beoogde instelling van multi-religieuse onderwys in Suid-Afrikaanse skole.

Godsdiensonderrig is deel van Kurrikulum 2005 en wil leerlinge blootstel aan verskillende godsdienste.

Die Grondwet van Suid-Afrika waarborg godsdiensvryheid Daarom het Christene vanuit hulle godsdienstige oortuiging die reg om op 'n Christelike grondslag onderrig te word. Kinders se godsdienstige oortuigings moet nog gevorm word en dwaalleringe sal hulle verwar.

Ouers moet dus die keuse hê om hulle kinders te laat opvoed in die godsdiens van hulle keuse.

Christene vra dat hulle kinders in die Bybel en die Christelike leer onderrig sal word.