Die afgelope paar maande is die aandag sterk gevestig op die fisieke bestaan van Jesus Christus. Dit het begin in wêreldwye kringe van Skrifkritiese teoloë op die voetspore van Karl Barth en R Bultmann. Nie die Bybel dien as rigsnoer van die geloof nie, maar die mens bepaal wat waar en wat nie waar is nie. Dit wat in stryd met geloofwaardigheid is word verwys na ou-tydse verstaan van die Bybelse waarheid wat vir vandag se omstandighede nie meer dieselfde aansprake besit nie.

Die Bybel verloor daarmee die gesag oor die lewe om dit normatief te lei. Die betwyfeling van die maagdelike geboorte van Jesus Christus, die debatte oor Christus se lyding en sterwe, opstanding en hemelvaart is nie maar 'n saak op homself nie. Dit staan in verband met die Skrifkritiek wat stelselmatig die Christelike geloof ondermyn. Skrifkritiek is in die grond van die saak 'n menslike poging om bokant die Skrif te gaan staan en dit te beoordeel volgens rasionele (redelike) menslike denke. Dit skep 'n konflik met die Christelike geloof wat die Bybel onbetwyfeld as waarheid en as 'n vaste norm en reël van die geloof aanvaar.

Die kerklike pers van die NG en NH kerke staan nie sterk afwysend daarteenoor nie en dit verskaf 'n stilswyende amp-telik kerklike ondersteuning vir die ondermyning van die Skrifgesag. Die Bybelse geskiedskrywing word gestel in die lig van 'n kultuursituasie wat vir vandag nie meer dieselfde geloofswaarde as vroeër besit nie. Tye verander en die norme wat voorheen geldingskrag gehad het, ver-ander en verval as gevolg daarvan. Dit is wat die ware geloof laat kwyn en ver-dwyn. Dit is een van die belangrike motiverings vir die verskyning van ons blad, om te help keer en te profeteer met die oog daarop om die Skriftuurlik goeie en die Goddelike waarheid te behou.

Die afgelope paar maande is die aandag sterk gevestig op die fisieke bestaan van Jesus Christus. Dit het begin in wêreldwye kringe van Skrifkritiese teoloë op die voetspore van Karl Barth en R Bultmann. Nie die Bybel dien as rigsnoer van die geloof nie, maar die mens bepaal wat waar en wat nie waar is nie. Dit wat in stryd met geloofwaardigheid is word verwys na ou-tydse verstaan van die Bybelse waarheid wat vir vandag se omstandighede nie meer dieselfde aansprake besit nie.

Die Bybel verloor daarmee die gesag oor die lewe om dit normatief te lei. Die betwyfeling van die maagdelike geboorte van Jesus Christus, die debatte oor Christus se lyding en sterwe, opstanding en hemelvaart is nie maar 'n saak op homself nie. Dit staan in verband met die Skrifkritiek wat stelselmatig die Christelike geloof ondermyn. Skrifkritiek is in die grond van die saak 'n menslike poging om bokant die Skrif te gaan staan en dit te beoordeel volgens rasionele (redelike) menslike denke. Dit skep 'n konflik met die Christelike geloof wat die Bybel onbetwyfeld as waarheid en as 'n vaste norm en reël van die geloof aanvaar.

Die kerklike pers van die NG en NH kerke staan nie sterk afwysend daarteenoor nie en dit verskaf 'n stilswyende amp-telik kerklike ondersteuning vir die ondermyning van die Skrifgesag. Die Bybelse geskiedskrywing word gestel in die lig van 'n kultuursituasie wat vir vandag nie meer dieselfde geloofswaarde as vroeër besit nie. Tye verander en die norme wat voorheen geldingskrag gehad het, ver-ander en verval as gevolg daarvan. Dit is wat die ware geloof laat kwyn en ver-dwyn. Dit is een van die belangrike motiverings vir die verskyning van ons blad, om te help keer en te profeteer met die oog daarop om die Skriftuurlik goeie en die Goddelike waarheid te behou.