Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 8  No 3 Mei 2004

MULTI_RELIGIEUSE POLITIES GEMOTIVEERDE GEBEDSDIENS VIR "N VREEDSAME VERKIESING

"DIE HERE HET DIé GEBED IN 1994 VERHOOR", Sê MBEKI

BEELD van 12 April 2004, vermeld dat van die leiers of verteenwoordigers van die ANC, DA, IVP, NNP, UDM, ACDP, VF+, PAC en AZAPO by Moria, naby Pietersburg, die sinkretistiese Zioniste "kerk" se jaarlikse Paaskonferensie bygewoon het om gesamentlik te bid vir ‘n vreedsame verkiesing.

President Mbeki was die enigste spreker.

Hy het gesê dat die verkiesing op ‘n versoek van Lekganyane, die hoof van die ZCC, tot na Paasfees geskeduleer is, sodat die ZCC en ander kerke, soos in 1994, tydens Paasfees om ‘n vreedsame verkiesing kan bid. Volgens Mbeki het die Here toe die gebede verhoor.

Die politieke leiers en verteenwoordigers, insluitend van die DA, IVP, NNP, ACDP en VF+, wat met hulle stembus-ondersteuning Bybelgelowige Christen-kiesers verteenwoordig (!) het Moria toegekom om te bid sodat dit - soos in 1994 - weer kan gebeur.

Is dit in ooreenstemming met wat ons bely op grond van God se Woord om slegs die enige en waaragtige God te eer, te dien en te aanbid, soos Hy dit in sy Woord beveel het (Eksodus 20:3): Jy mag geen ander gode voor my aangesig hê nie?

En jy mag Hom ook nie op ‘n ander wyse dien, eer en aanbid as wat Hy dit beveel het nie, aldus die strekking van die tweede gebod in Eksodus 20:4,5: "Jy mag jou vir hulle nie neerbuig en hulle nie dien nie; want Ek, die HERE jou God, is ‘n jaloerse God wat die misdaad van die vaders besoek aan die kinders, aan die derde en aan die vierde geslag van die wat My haat ..."

Christen-gelowiges van Suid-Afrika ... Quo Vadis? Waarheen!!!

- P van der Kooi -