Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 8 No 3 Mei 2004
KERKLIKE JOERNAALSEKTARIESE BYGELOWIGHEID
Tussendeur die berigte oor die verkiesing kry mens inligting oor die bygelowigheid van swart "Christene".
BEELD, Dinsdag 13 April, berig dat die leier van die DA, mnr Tony Leon, op uitnodiging van die leierskap van die Nasaret-Baptistekerk in Zuurbekom naby Westonaria, op Paassondag sowat 12 000 kerkgangers toegespreek het.
Daarna het hy (Leon) die leier van die kerk, biskop Shembe, in sy huis op die perseel gaan groet, maar kerklike protokol het hom op sy knieë gedwing.
Hy en sy afvaardiging, almal geklee in deftige pakke en dasse, moes knielend voor die huis wag dat die biskop hom te woord staan.
Na Leon se hoflikheidsbesoek het duisende mans in lang rye buite gewag om deur die biskop geseën te word.
Die gelowiges glo hul geestelike leier kan regstreeks met God kommunikeer en hy het dus die krag om seëninge uit te deel.
Verskeie siek en kreupele mense het geduldig in die ry gestaan en wag om die biskop te sien.
Die kerkdiens word gehou op heilige grond, aldus die Baptiste, en daarom word geen skoeisel geduld nie.