Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 5 No 1 Januarie 2001
KERKLIKE JOERNAAL ERNSTIGE OPROEP TOT VEROOTMOEDIGING M E D I A V R Y S T E L L I N G:Die Part Sinode Noord-Transvaal van die Gereformeerde Kerke het in sy vergadering op 21 November 2000 te Meyerspark die volgende besluit geneem:
Die Sinode doen ‘n ernstige oproep tot verootmoediging in die lig van die morele verval, misdaad en plaas- en ander moorde in ons vaderland.
Die Sinode betuig hiermee ook sy meegevoel met alle slagoffers van die gruweldade wat tans in ons land gebeur. Die regering word ook opgeroep om toe te sien dat reg en geregtigheid in alle sake sal geskied.
Die Sinode doen ook besonderlik ‘n oproep tot alle mense om, wat uit die geskiedenis aan die gelofte van 16 Desember verbind is of hulle daarmee vereenselwig het, dit gehoorsaam na te kom en hulle besonderlik ook by die geleentheid diep voor die Here te verootmoedig.
Die Sinode bemoedig terselfdertyd alle ware gelowiges in die Here om gelowig daaraan vas te hou dat die geskiedenis veilig in die hande van God is, wat alles deur middel van voor- en teëspoed by sy (Goddelike) bestemming uitbring.