Die Kerkpad: Jan 99 Verklaring AKB

Die Afrikaner Kultuurbond (AKB) wil elke Christen-skoolhoof en -onderwyser, wat aan openbare skole verbonde is, oproep om hulle verantwoordelikheid voor God binne 'n nuwe neutrale onderwysbestel steeds getrou na te kom. Ons roep hiermee ook alle kerke op om skoolhoofde en onderwysers uit hulle gemeentes hierin te ondersteun met die nodige begeleiding en voorbidding.

Dat in Bengu (die Minister van Onderwys) se Currruculum 2005 geensins van godsdiensonderwys in die regte sin van die woord melding gemaak word nie.

Dat in Julie 1997 'n konferensie oor multi-geloofsonderrig by UNISA saam met hoë regeringsamptenare gehou is. Dat daar gesê is dat onderwysers hul eie geloofsoortuiginge moet verswyg sodat ander godsdienste met die nodige empatie onderrig kan word.

Dat waar die Bybel, die Woord van die Drie-enige God, uit die klaskamers weggelaat word, dit 'n vakuum skep vir die invloei van allerlei okkultiese praktyke en sinkretistiese dwaalleringe soos by sekere openbare skole reeds die geval is.

Elke Christen moet immers God meer gehoorsaam wees as enige aardse gesag, selfs my werkgewer, al is dit ook die owerheid van die land (Hand 4 : 19 - 20).

Die Here waarsku ons ook: "Maar elkeen wat een van hierdie kleintjies wat in My glo, laat struikel, dit vir hom beter is dat 'n meulsteen aan sy nek gehang word en hy wegsink in die diepte van die see" (Matt 18 : 6).

Ons onderwysers is met groot verantwoordelikheid bekleë as die opvoeders van kinders. GA Watermeyer het gesê: "Jul bou met meer as staal of steen, ons volkswees wentel om jul heen."

Mag God wat self oor sy kudde en oor sy lammers waak, u die genade skenk om in hierdie stryd verantwoordelike keuses te maak. Ons bid vir u in u stryd.