Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 1 Januarie 2003

KERKLIKE JOERNAAL

SO LYK REGERING SE FINALE PLAN VIR TERSIêRE ONDERWYS

Die dagblad BEELD vermeld in sy uitgawe van Dinsdag 10 Desember 2002

onder andere, die volgende finale besluitneming vir tersiêre onderwys

vir die toekoms wat voorlê.

Noordwes:

Die Potchefstroomse Universiteit (PU) en die Universiteit van Noordwes smelt saam. Die Vaaldriehoek-kampus van die PU moet die studente en personeel van die Sebokeng-kampus inkorporeer. Daar sal op lang termyn oorweeg word of die PU sy Vaaldriehoek-kampus behou.

Vrystaat:

Die Technikon Vrystaat bly afsonderlik, terwyl die Welkom-kampus van die Vista-universiteit daarby geïnkorporeer word. Die Vrystaatse Universiteit word as afsonderlike instelling behou. Die Bloemfonteinse kampus van die Vista-universiteit en die Qua-Qua-kampus van die Universiteit van die Noorde skakel by hom in.

Die Technikon Vrystaat bly afsonderlik, terwyl die Welkom-kampus van die Vista-universiteit daarby geïnkorporeer word. Die Vrystaatse Universiteit word as afsonderlike instelling behou. Die Bloemfonteinse kampus van die Vista-universiteit en die Qua-Qua-kampus van die Universiteit van die Noorde skakel by hom in.

Gauteng:

Die Universiteit van Pretoria (UP) bly 'n afsonderlike instelling. Die Vista-universiteit se Mamelodi-kampus kom by. Die Randse Afrikaanse Universiteit smelt saam met die Technikon Witwatersrand.

Wes-Kaap:

Die Universiteit van Wes-Kaapland bly afsonderlik voortbestaan, sowel as die Universiteit van Kaapstad en die Universiteit van Stellenbosch.