Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 1 Januarie 2003

KERKLIKE JOERNAAL

VROUE IN DIE GKSA IN DIE KERKLIKE AMPSBEDIENING?

Een van die brandende kwessies wat tydens die komende Sinode van die GKSA heftig bespreek sal word is ongetwyfeld die saak van vroue in die kerklike ampsbediening.

Prof Fika J van Rensburg van die TSP en dr Wim Vergeer, predikant van die gemeente Potchefstroom-Oos, vra in 'n beswaarskrif teen 'n Sinodebesluit van 1988, dat vroue wel tot die kerklike ampsbediening kan toetree.

Van die deputate wat deur die Sinode 2000 aangestel is om die posisie van die vrou in die kerk te ondersoek en die Sinode 2003 daaroor te adviseer, stem nie saam met die meerderheidsadvies nie en kom met 'n minderheidsvoorstel waarin die Sinode versoek word dat vroue tot aldrie ampte, predikant, ouderling en diaken, toegelaat sal word.