Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 4 No 4 Julie 2000
REDAKSIONEEL Die verskyning van hierdie uitgawe val saam met die begin van die laaste helft van die jaar. Die opslag van die "nuwe millennium" het al begin te verflou. Die sogenaamde "kerklike jaar", die jaarlikse siklus van Kersfees, Goeie Vrydag, Paasfees, Hemelvaart en Pinkster, is weer eens verby. Die komende Kersfees kom al weer naderby. Word dit nie tyd om te besin oor die gewoonte om dit jaar op jaar te herhaal nie? Dien dit tesame met kommersiële skeppings, soos Valentynsdag, Moedersdag, Vadersdag en wat meer nog, nie veral as stimulanse vir koopkrag en die florering van die vakansiebedrywighede nie?Die afgelope paar maande was die aandag sterk bepaal op die politieke stryd in ons noordelike buurlande, in die besonder Zimbabwe. Dit het spanning laat oplaai dat van dié gewelddadige en revolusionęre simptome na ons land kan gaan oorwaai. Plaasmoorde en ander gewelddadige misdade vind onafgebroke haas sistematies, dan hier, dan daar, in ons land plaas.
Die afgod sport vier hoogty onder die bevolking, blank en swart, in ons land. Dit gaan gepaard met 'n groeiende neiging tot verduistering van geld. Korrupsie word byna daagliks oopgevlek. Die sonde van egoďstiese hebsug floreer as gevolg van die onkeerbare mag van die Satan en die aangebore sonde in die lewe van die mense.
Deur middel van die redaksie van ons blad poog ons om te wys op die onderliggende faktore van die verderf en dwalings in die samelewingsverbande van die kerk en staat. Dit raak ook die kerke van gereformeerde grondslag, wat ons in die besonder benader. "Want die tyd is daar dat die oordeel moet begin by die huis van God" (1 Petrus 4 : 17) . ®