Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 7 No 2 Maart 2003
10 KERKE DOEN STUDIE OOR DOODSTRAFVolgens Neels Jackson in BEELD, Donderdag 6 Maart, het tien kerke op 'n konvent in Pretoria (5 Maart 2003) besluit om 'n indringende studie oor die doodstraf te laat doen voordat hulle gesamentlik standpunt daaroor inneem.
Die kerke, waaronder die NG Kerk, Hervormde Kerk en Gereformeerde Kerke in Suid-Afrika (GKSA), het gereageer op 'n voorstel van Prof Callie Coetzee van die GKSA dat die kerke saam vra dat die staat die doodstraf herinstel.
Coetzee het gesê die GKSA het in 1997 besluit dat die toepassing van die doodstraf in bepaalde gevalle Bybels geregverdig is. Hy het bygevoeg dat dit 'n afskrikwaarde vir mis-dadigers het.
Dr Gafie van Wyk van die Hervormde Kerk het gesê sy kerk het 'n meer gereserveerde standpunt oor die doodstraf. Daar is botsende getuienis oor die afskrikwaarde van die doodstraf.