Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 2 Maart 2003

TEOLOGIE: WESTERSE NEERSLAG

(Redaksioneel in: DIE BOODSKAPPER

Onlangs het 'n baie insiggewende artikel van prof DFM Strauss in die Tydskrif vir Christelike Wetenskap, 3de en 4de kwartaal 2002, verskyn onder die titel: Filosofiese onderstroming in die kontemporêre teologiese debat - van "ewige waarhede" tot "gekontekstualiseerde metafore" Daarin plaas hy as voorbeeld, die bekentenis van 'n bekende SA teoloog, prof Jaap Durand, oor hoe hy sy teologiese insigte ontwikkel het as 't ware bo-oor die verloop van die Westerse lewensbeskoulike denke die afgelope tyd. Die ooreenkoms is glashelder. Wat ons vandag aan die teologie in die greep van die tydsgees het, is maar net die neerslag van die versekulariseerde Wes-terse gees se geworstel. En dié sê in ons "post-moderne" dag: daar is geen ewige, gegewe waarhede nie; elke tyd praat is sy eie situasie of konteks in agterhaalbare beeldspraak oor God en sy "waarheid".

(DIE BOODSKAPPER, no 159, Maart 2003, bl 1)