''Prof Koos Vorster, direkteur van die Skool vir Kerk-wetenskappe en professor in etiek aan die Potchefstroomse Universiteit, gaan weer as adviseur by die sitting van die Menseregtekommissie van die Verenigde Nasies (VN) optree.

''Die sitting duur van 19 Maart tot 27 April. As deel van sy studieprojek Ethical Perspectives on Human Rights gaan hy tydens die besoek ook in die biblioteke en argiewe van die VN en die Ekumeniese Sentrum in Genève navorsing doen oor die verskynsels rassisme en Xenofobie (vreemdelingehaat). Hy sal ook onderhoude voer met afgevaardigdes van verskeie menseregte-organisasies wat hulle op dié sake toespits, asook politieke leiers in lande met etniese spanning'', aldus die berig in BEELD.

Sonder dat prof Vorster polemies die aangevoerde kritiek van ons blad beantwoord en weerlê het, gaan hy ongestoord voort met hierdie omstrede saak, wat hy nou gehanteer het.

Lidmate/lesers vra vir ons redaksie, hoe hierdie sekulêre saak met sy verantwoordelikheid om studente as dienare van die Woord op te lei, gerym kan word. Hulle vra: Doen prof Vorster hierdie saak in diens van die kerke of het hy (ses weke onbetaalde) verlof ontvang om dit in eie verantwoordelikheid te onderneem? Word hierdie bywoning deur die PU vir CHO of uit die fondse van die Teologiese Fakulteit gefinansier? Dra die omstrede saak van menseregte en die studieprojekte van prof Vorster in verband daarmee, enigiets by om predikante vir Gereformeerde ampsbediening op te lei?

Ons artikel in die vorige jaar se Mei-uitgawe is afgesluit met die oproep aan die kuratore van die TSP om ernstig hieroor te besin, ons beklemtoon dit by herhaling: