VERKLARING VAN DIE HEILIGE SKRIF

LEWE SONDER GOD SINLOOS

Verklaring van Prediker

-  Rob Visser  -

Januarie 2001 het die boekie: Lewe sonder God is sinloos, verskyn. Die skrywer is ds JR (Rob) Visser wat dosent Ou Testament by die teologiese skool van die Vrye Gereformeerde Kerke in SA is. Die doel is dat hierdie verklaring die aanloop tot 'n reeks van verklarings van die Bybelboeke sal wees.

Hierdie verklaring is geskryf in die diepe geloofsoortuiging dat die Bybel God se onfeilbare Woord is. As 'n mens so die boek Prediker lees, is dit nie 'n boek van een of ander pessimis nie maar het dit vir ons vandag groot betekenis. Die Heilige Gees gee deur die Prediker 'n ryke boodskap. Hierdie Bybelboek word dikwels as moeilik ervaar. Met die oog daarop wil hierdie verklaring elkeen help om die betekenis van hierdie boek te verstaan en toe te pas.

Die boek tel 96 bladsye en is in slapband gebind. Dit is uitgegee in "Lig en Lampreeks 3", deur Tesselaren, Pretoria 2000. Die koopprys bedra R39-00 per eks. (posgeld nie bygereken nie). Dit is verkrygbaar by Protea Boekhuis Burnettstraat 1067 Hatfield Pretoria Tel (012) 362 5683/4/5. Esra Boeke: Tel (012) 331 5483, Folmer Boekhandel: Tel/Faks (012) 329 0031.

Mag dit die begin wees van 'n betroubare gereformeerde Afrikaanse Bybelverklaring wat ons mense steeds weer na die HERE se pad terug wys.