|
Die Kerkpad
"Laat ons wandel in die lig van die Here"
(Jes 2 ; 3 - 5)
Jaargang 5 No 6 November 2001
PERSRUBRIEK''Big Brother''- slik
Mej G Swart uit Jeffreysbaai skryf in DIE KERKBODE, 21 September 2001, hieroor as volg:
Help asseblief, ons land verdrink in morsige ''Big Brother''-slik!
Ek wil alle Christene in die land vra om beswaar te maak teen ''Big Brother''. Liewe land, ek het net een kyk nodig gehad om te besef in dié huis loop die duiwel loshand rond! Soveel laster, banaliteit en onsedelikheid in een program kan nie 'n goeie uitwerking op enige kind of volwassene hê nie. Die program kan nie die goedkeuring van enige ware Christen wegdra nie! Ons mág dit nie toelaat nie!
Dan wonder mense nog waarom dit so sleg gaan in die land en met kinders se moraliteit? Stop dit! Net hier en nou! Predikante en sinodes moet asseblief standpunt inneem.