Die Klassis Pretoria-Moot het 'n beskrywingspunt van die Gereformeerde Kerk, Die Kandelaar aanvaar dat hy (so lui die beskrywing) "na maande se besinning en formulering tot 'n verantwoordingsdokument (Sola Scriptura!) gekom het waarby die besluite van Sinode 2003 insake die aanbeveling van die 2001-omdigting asook die verkiesbaarheid van vroue tot die diakenamp verwerp word."

(Hierdie dokument is aan soveel as moontlik alle kerkrade in die verband van die GKSA geadresseer).

Die Kerkraad motiveer ter kennisname voorts dat hy "in bewustheid van ons eie sonde en vele tekortkominge gevoel ons die roeping om ons besluit asook ons verantwoording uit die Skrif, Belydenis en Kerkorde daaroor aan u, ons mede-gemeentes in die klassis asook alle kerke van ons kerkge-meenskap mee te deel."

Verder is die Klassis versoek om die meegaande verantwoording as 'n dringende broederlike oproep te hanteer:

a) met die oog daarop om hom met hierdie saak te vereenselwig

b) en die saak in dieselfde gees aan die Part Sinode Pretoria as 'n dringende broederlike oproep voor te hou met die oog daarop om hulle met die saak te vereenselwig ten einde

c) dit aan die eersvolgende (buitengewone?) Nasionale Sinode voor te hou met die bedoeling om die onrus wat in ons kerkegemeenskap oor die sake is op te ruim.

Die Kerkraad motiveer vervolgens:

"Ons bevestig dat hierdie stuk op u (die klassis) tafel gelê word, nie as 'n beswaarskrif nie, aangesien ons nie 'n herbesinning van die besluitnemingsprosesse en alles daarmee saam van die besluite van die Nasionale Sinode 2003 aanvra nie, want

In terme van art 46 KO sal daar geen nuwe materiaal by die sinode dien om dit weer te behandel nie en

Daar is geen meerdere vergadering naas die Nasionale Sinode waarop beroep (appelleer) kan word nie."

Die Kerkraad motiveer ten slotte:

"Ons lê hierdie stuk in die karakter van ons belydenis aan u voor as 'n kennisgewing van die diening en status van die Gereformeerde Kerk, Die Kandelaar, betreffende die genoemde sake.