Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 6 November 2003

KERKLIKE JOERNAAL

BELHAR-BELYDENIS DEUR NG SINODE AANVAAR

Neels Jackson beskryf in BEELD van Vrydag 17 Oktober 2003, dat die NG Kerk in Wes- en Suid-Kaapland op 16 Oktober geskiedenis gemaak het deur die eerste streeksinode van die NG Kerk te word wat sy steun daarvoor gee dat die belydenis van Belhar deel vorm van die belydenisgrondslag van 'n herenigde kerk van die NG Kerk-familie.

Die sinode het in dié besluit die bewoording onderskryf waarop in 2001 op die konvent van eenheid met die Verenigende Gereformeerde Kerk (VGK) ooreen gekom is. Dit lui dat Belhar ingesluit word in die belydenisgrondslag van 'n groter herenigde kerk "op 'n wyse wat die eenwordingsproses dien."

Die belydenis van Belhar is in die jare '80 van die vorige eeu deur die destydse NG Sendingskerk opgestel en dit behandel die drie kwessies van kerkeenheid, versoening en geregtigheid.

Dr Coenie Burger, assessor van die sinode en moderator van die algemene sinode, het op vrae uit die sinode gesê dit maak nie van 'n ondergeskikte belydenis nie. Dit is steeds deel van die kerk se belydenisgrondslag, maar daar word bloot erken dat daar oor die belydenisskrif meningsverskil is.

Die voorstel is gegrond op die voorbeeld van kerkverenigings in ander lande en is daarop gemik dat die proses kan voortgaan, al is daar nie eenstemmigheid nie. Burger het gesê daarmee wil hulle 'n prosesbenadering volg pleks van 'n alles-of-niks-benadering

Hy het gesê die realiteit in die NG Kerk is dat almal Belhar nie aanvaar nie en die kerk wil ook die Vrystaat en Noord-Transvaal saamneem na kerkeenheid. Dit sal sy hart breek as net 3% van die gemeentes nie saamgaan op die eenheidspad nie. Daarom is 'n deurlopende pastorale gesprek met gemeentes noodsaaklik.

beskryf in BEELD van Vrydag 17 Oktober 2003, dat die NG Kerk in Wes- en Suid-Kaapland op 16 Oktober geskiedenis gemaak het deur die eerste streeksinode van die NG Kerk te word wat sy steun daarvoor gee dat die belydenis van Belhar deel vorm van die belydenisgrondslag van 'n herenigde kerk van die NG Kerk-familie.

Die sinode het in dié besluit die bewoording onderskryf waarop in 2001 op die konvent van eenheid met die Verenigende Gereformeerde Kerk (VGK) ooreen gekom is. Dit lui dat Belhar ingesluit word in die belydenisgrondslag van 'n groter herenigde kerk "op 'n wyse wat die eenwordingsproses dien."

Die belydenis van Belhar is in die jare '80 van die vorige eeu deur die destydse NG Sendingskerk opgestel en dit behandel die drie kwessies van kerkeenheid, versoening en geregtigheid.

Dr Coenie Burger, assessor van die sinode en moderator van die algemene sinode, het op vrae uit die sinode gesê dit maak nie van 'n ondergeskikte belydenis nie. Dit is steeds deel van die kerk se belydenisgrondslag, maar daar word bloot erken dat daar oor die belydenisskrif meningsverskil is.

Die voorstel is gegrond op die voorbeeld van kerkverenigings in ander lande en is daarop gemik dat die proses kan voortgaan, al is daar nie eenstemmigheid nie. Burger het gesê daarmee wil hulle 'n prosesbenadering volg pleks van 'n alles-of-niks-benadering

Hy het gesê die realiteit in die NG Kerk is dat almal Belhar nie aanvaar nie en die kerk wil ook die Vrystaat en Noord-Transvaal saamneem na kerkeenheid. Dit sal sy hart breek as net 3% van die gemeentes nie saamgaan op die eenheidspad nie. Daarom is 'n deurlopende pastorale gesprek met gemeentes noodsaaklik.

Die sinode het ook sy steun toegesê daaraan dat 'n gesamentlike sinode van die hele NG Kerkfamilie in Kaapland gehou word.