Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 4 September 2003

KERKLIKE JOERNAAL

KERKRADE GKSA BLOEMHOF EN CHRISTIANA

REAGEER OP SINODEBESLUITE

Die Kerkraad van Bloemhof het besluit om:

1. nie gevolg te gee aan die voorgestelde veranderings in die Apostolicum en Athanasium (algemene belydenisskrifte), met betrekking tot die sinsnede "Neergedaal na die hel" nie;

2. nie die riglyne van die sinode ten opsigte van die Sabbat-Sondag kwessie volledig te aanvaar nie;

3. ten opsigte van die toelating van die vrou in die amp van diaken die status quo te handhaaf, soos op die sinode van 1988 besluit is en bevestig met die sinode van 2000 toe 'n beswaarskrif teen hierdie besluit in sy geheel nie geslaag het nie;

4. aangaande die 2001 (Cloete) omdigtings, dit nie saam met die 1936-beryming van die Psalms te gebruik nie.

Die Kerkraad van Christiana het besluit om:

1. aangaande die 2001 (Cloete) omdigtings, dit nie saam met die 1936-beryming van die Psalms te gebruik nie en om toekomstige studie van die 2001-omdigtings te bestudeer voordat die besluit heroorweeg word. Die kerkraad voel dat die ondersoek van elke Psalm 'n gewigtige taak is en dat hulle nie oor die tegnies-teologiese kennis be-skik om die taak self deeglik uit te voer nie;

2. die riglyne van die sinode ten opsigte van die Sabbat-Sondag kwessie nie volledig te aanvaar nie;

3. vrouens nie in die amp van diaken toe te laat nie. "Vir ons as Gereformeerdes, wat die onfeilbare gesag van die Bybel as die Woord van God sonder enige teëspraak aanvaar, is dit onhoudbaar om die besluit van sinode 2003 t.o.v. die vrou in die diakenamp summier te aanvaar".

1. nie gevolg te gee aan die voorgestelde veranderings in die Apostolicum en Athanasium (algemene belydenisskrifte), met betrekking tot die sinsnede "Neergedaal na die hel" nie;

2. nie die riglyne van die sinode ten opsigte van die Sabbat-Sondag kwessie volledig te aanvaar nie;

3. ten opsigte van die toelating van die vrou in die amp van diaken die status quo te handhaaf, soos op die sinode van 1988 besluit is en bevestig met die sinode van 2000 toe 'n beswaarskrif teen hierdie besluit in sy geheel nie geslaag het nie;

4. aangaande die 2001 (Cloete) omdigtings, dit nie saam met die 1936-beryming van die Psalms te gebruik nie.

Die Kerkraad van Christiana het besluit om:

1. aangaande die 2001 (Cloete) omdigtings, dit nie saam met die 1936-beryming van die Psalms te gebruik nie en om toekomstige studie van die 2001-omdigtings te bestudeer voordat die besluit heroorweeg word. Die kerkraad voel dat die ondersoek van elke Psalm 'n gewigtige taak is en dat hulle nie oor die tegnies-teologiese kennis be-skik om die taak self deeglik uit te voer nie;

2. die riglyne van die sinode ten opsigte van die Sabbat-Sondag kwessie nie volledig te aanvaar nie;

3. vrouens nie in die amp van diaken toe te laat nie. "Vir ons as Gereformeerdes, wat die onfeilbare gesag van die Bybel as die Woord van God sonder enige teëspraak aanvaar, is dit onhoudbaar om die besluit van sinode 2003 t.o.v. die vrou in die diakenamp summier te aanvaar".

Hierdie besluite is breedvoeriger toegelig in amptelike stukke wat aan lidmate van dié kerke uitgedeel is.