Die Kerkpad
"Laat ons wandel in die lig van die Here"
(Jes 2 ; 3 - 5)

Jaargang 7  No 4 September 2003

KERKLIKE JOERNAAL

KLAG VAN LEERDWALING TEEN SPANGENBERG DEUR

RING VAN NG KERK AGTERWEë GEHOU

Neels Jackson berig in BEELD, Vrydag 22 Augustus 2003, dat 'n klag van leerdwaling teen prof Sakkie Spangenberg, teoloog van UNISA, vir eers agterweë gehou word.

Die NG Kerk se ring van Lyttelton het 'n beroep op hom en lidmate wat soos hy dink gedoen, "om hul oortuigings te heroorweeg sodat hulle hulself nie op grond daarvan van die Christelike gemeenskap losmaak nie".

Dit kom terwyl daar 'n klag van leerdwaling teen Spangenberg by die ring ingedien is. As deel van hul gesprek met hom het die ring 'n dokument van 25 bladsye oorweeg waarin Spangenberg uiteensit hoe hy dink oor die erfsonde, die maagdelike geboorte, Jesus se kruisdood, die hellevaart, die opstanding, die hemelvaart, die wederkoms en die Christendom en ander godsdienste.

Die ring het tot die oortuiging gekom dat Spangenberg se standpunte in dié dokument en in ander geskrifte nie rym met die Christelike geloof nie.

Spangenberg het ... gesê dit rym nie met 'n sekere interpretasie van die Christendom nie. Dit is 'n Middeleeuse weergawe van die geloof. Met ander weergawes van die Christelike geloof klop sy standpunte wel.

Volgens Spangenberg het die kerk hom gestuur om Grieks en Hebreeus te gaan leer sodat hy die basisdokumente van die geloof, die boeke van Die Bybel, beter kan verstaan. In sy studie het hy agtergekom dat die Bybelboeke op sekere punte nie sê wat aan gelowiges voorgehou is nie.

Op grond daarvan glo hy byvoorbeeld nie dat die verhaal oor Jesus se maagdelike geboorte die historiese waarheid is nie. "Die verhaal van die maagdelike ontvangenis wil slegs kommunikeer dat Jesus 'n besondere persoon was en dit aanvaar ek van harte".

Teen dié agtergrond het Spangenberg gesê hy bepleit 'n verruiming en groter openheid in die gesprek oor die teologie.

Dr Johan Ernst, voorsitter van die ring, het gesê hulle wil die gesprek met Spangenberg voortsit en dat die klag vir eers agterweë gehou word. berig in BEELD, Vrydag 22 Augustus 2003, dat 'n klag van leerdwaling teen prof Sakkie Spangenberg, teoloog van UNISA, vir eers agterweë gehou word.

Die NG Kerk se ring van Lyttelton het 'n beroep op hom en lidmate wat soos hy dink gedoen, "om hul oortuigings te heroorweeg sodat hulle hulself nie op grond daarvan van die Christelike gemeenskap losmaak nie".

Dit kom terwyl daar 'n klag van leerdwaling teen Spangenberg by die ring ingedien is. As deel van hul gesprek met hom het die ring 'n dokument van 25 bladsye oorweeg waarin Spangenberg uiteensit hoe hy dink oor die erfsonde, die maagdelike geboorte, Jesus se kruisdood, die hellevaart, die opstanding, die hemelvaart, die wederkoms en die Christendom en ander godsdienste.

Die ring het tot die oortuiging gekom dat Spangenberg se standpunte in dié dokument en in ander geskrifte nie rym met die Christelike geloof nie.

Spangenberg het ... gesê dit rym nie met 'n sekere interpretasie van die Christendom nie. Dit is 'n Middeleeuse weergawe van die geloof. Met ander weergawes van die Christelike geloof klop sy standpunte wel.

Volgens Spangenberg het die kerk hom gestuur om Grieks en Hebreeus te gaan leer sodat hy die basisdokumente van die geloof, die boeke van Die Bybel, beter kan verstaan. In sy studie het hy agtergekom dat die Bybelboeke op sekere punte nie sê wat aan gelowiges voorgehou is nie.

Op grond daarvan glo hy byvoorbeeld nie dat die verhaal oor Jesus se maagdelike geboorte die historiese waarheid is nie. "Die verhaal van die maagdelike ontvangenis wil slegs kommunikeer dat Jesus 'n besondere persoon was en dit aanvaar ek van harte".

Teen dié agtergrond het Spangenberg gesê hy bepleit 'n verruiming en groter openheid in die gesprek oor die teologie.

Dr Johan Ernst, voorsitter van die ring, het gesê hulle wil die gesprek met Spangenberg voortsit en dat die klag vir eers agterweë gehou word.