| Keuselys
|
|
 Dit is onderwerp HoofartikelDe volgende verhalen zijn gepubliceerd over dit onderwerp.
Geplaatst door: Admin op Maandag, 17 Oktober 2005 - 17:25 EET
Hoofartikel
|
Gereformeerde Afrikaner volksgenote word nou skerp aangeval binne die verband van die GKSA, deur manne-broeders wat op prominente plekke aangestel is en hulle waardigheid en gesag tans misbruik om hulle liberale sienings oor “kerkwees en volkwees” te verkondig. Dis manne van kaliber wat hulle teologiese verklaring en uitleg van die Heilige Skrif verabsoluteer in hulle standpunte rakende behoudende Afrikaners, wat nie kán of wil vereenselwig met die “nuwe (demokratiese) Suid-Afrika“ nie. Skrifverklaring oor “vreemdelingskap” in die algemene Sendbrief van 1 Petrus, word situatief verklaar en dien as 'n boodskap gerig aan behoudende Afrikaners. Die kerkorde word gestel in verband van kollegialistiese, van bo af oorheersde kerkbestuur, 'n sinode saamgestel deur 'n “getrapte“ afvaardiging, ten opsigte waarvan meerderheidsbesluite in alle gevalle as vas en bindend beskou moet word. Veranderde omstandighede maak dat die “volks-”benadering met 'n ongeldige verwysing na sinodebesluite oor “apartheid”, as ontoelaatbaar en as uitgedien beskou en, sodanig, gedoseer word. Wat is hierop die antwoord? Daar is teveel om dit in een artikel te kan doen. Daarom is die publikasie van 'n geskrif wat spesifiek daaroor handel, as bylae hieraan toegevoeg.
|
Lees meer... 'VREEMDELINGSKAP' (9007 bytes) 
|
|
Geplaatst door: Admin op Saterdag, 24 September 2005 - 15:05 EET
Hoofartikel
|
Dit is beslis 'n interessante tydverdryf om woorde te vind wat gevoelens uitdruk, wat dien om sake van gemeenskaplike belang te beskryf. 'n Pakkende titel of hoof bo 'n berig of artikel vestig die aandag op sy inhoud. Dit stimuleer die belangstelling om wat volg te lees. Die woorde hierbo is na hulle betekenis en teenoormekaar stelling aktueel vir die lesers van ons blad. In meer as een opsig. Ons verkeer in 'n sosiaal-maatskaplike én 'n kerklike geloofskrisis. Hierdie krisis stuur af op 'n ramp as daar geen omkering is nie. Dit is die algemene Christelike geloof wat in 'n krisis verkeer. En omdat dié geloof onder die heerskappy van Jesus Christus staan, is Hy die Leier wat deur sy Woord en Gees die pad wys wat sy kinders moet loop. Daar is 'n verborge wil van God wat ervaar word in die omstandighede waarin ons geraak het. Maar daarnaas beskik ons oor die geopenbaarde wil van God wat vir ons voorskrywend en rigtinggewend is.
|
|
Lees meer... 'REPAREER óF SEPAREER - KONSOLIDEER óF ISOLEER' (10057 bytes)
|
|
|
|
Inloggen
|